Full Lyrics
Hoscha wen wöl wir frölich sein/
der küle wein/
thut unser teglich warten./*
Die gselschafft auch versamlet ist/
an bösen list/
miescht sie nun schon die karten/*
wolauff zum wein/
mein brüderlein/
laß sorgen unterwegen/
hab gueten müet/
wer weis wers thut/
wol uber ein iar/
villeicht lig wir/
so han wirs gar.
2.
Die nechtig trünck hangen wir an/
das ich schwer kan/
vor tollheit mich umschen./*
Ach schweig her wort mein lieber gsel/
kayn ungefel/
wirdt dir aus dem geschehen./*
volg ietzt nur mir/
bald hilf ich dir/
dein unmut gantz vertreiben/
sechs glas mit wein/
sauff erstlich nein./
das thut dir wol/
mein gwise kunst/
dich helffen sol.
3.
Sol ich denn volgen deine kunst/
du sols umb sunst/
in keinen weg geleret han./*
Wol auff so wöl wir auff die bann/
was sol ein man/
der nit altag wol sauffen kan./*
Warst nechten vol/
mit nichten sol/
dein hertz darumb erschrecken/
sei nur guts muts/
mein lieber vetz/
mein glt ist dein/
trink erlich zu/
las sorgen sein.
