Full Lyrics
Hodie, dilectissimi, omnium sanctorum sub una solemnitatis laetitia celebramus festivitatem,
Quorum societate caelum exultat,
quorum patrociniis terra laetatur,
quorum triumphis Ecclesia sancta coronatur,
quorum confessio quanto in passione fortior tanto est clarior in honore:
quia dum crevit pugna crevit et pugnantium gloria;
et martyrii triumphus multiplici passionum genere adornatur,
per quae graviora tormenta gratiora fuere et praemia.
Dumque Catholica Mater Ecclesia per totum orbem longe lateque diffusa in ipso capite suo,
Chisto Jesu edocta, contumelias crucis et mortem didicit non timere,
magis magisque, que roborata est non resistendo sed perferendo.
