Full Lyrics
;Original
Heu! quid jaces stabulo
omnium creator?
Vagiens cunabulo,
mundi reparator.
Si rex, ubi purpura,
vel clientum munera,
ubi aula Regis?
hic omnis penuria,
paupertatis curia,
forma novae legis.
Istuc amor generis
me traxit humani,
quod se noxa sceleris
occidit profani
his meis inopiis
gratiarum copiis
te pergo ditare,
hocce natalitio
vero sacrificio
te volens beare.
O Te laudum millibus
laudo, laudo, laudo!
tantis mirabilibus
plaudo, plaudo, plaudo,
gloria sit gloria,
amanti memoria,
Domino in altis,
cui testimonia,
dantur et præconia
cœlicis a Psaltis.
