Full Lyrics
Hac clara die turma
festiva preconia Mariam concrepando
simphonia nectarea
mundi domina
quae es sola castissima virginum regina
salutis causa
vitae porta atque caeli
referta gratia
nam ad illam sic nuncia
olim facta angelica.
Ave Maria gratia plena
per saecula mulierum pia
agmina intra semper benedicta virgo et gravida,
mater intacta prole gloriosa
cui contra Maria haec reddit famina.
In me quomodo tua
iam fient nuncia
viri novi nullam certe copulam
ex quae atque nata
sum incorrupta
diva missus ita
reddit affata flatu sacro plena fies Maria
nova efferens gaudia caelo terrae
nati per exordia
intra tui uteri
claustra portas qui gubernat eterna omnia
qui dat tempora pacifica.
Amen.
