Full Lyrics
Gloriosus Dei apostolus Bartholomeus vere est honorificandus,
qui in numero duodecim apostolorum judiciarium sortitus est thronum.
Clamabat plebi apostolus: audite verum Deum creatorem vestrum,
qui in caelis habitat, et nolite in lapidibus credere vanis.
Postquam Licaoniam praedicavit, beatus Bartholomeus ad Indos veniens
convertit eos ad Christum et per martyrium penetravit caelos.
Ibi lux sine fine manet, requies sine labore, satietas absque fastidio.
Ipse salutis nostrae ante Dominum sit intercessor/impetrator,
qui Indorum egregius extitit praedicator, nostraeque fiat sustentator fragilitatis,
qui conservande fulget auctor religionis. Amen.
