Full Lyrics
Gloomy winter’s now awa’,
Soft the westlin’ breezes blaw;
’Mang the birks o’ Stanelyshaw
The mavis sings fu’ cheerie O.
Sweet the crawflow’r’s early bell Decks
Gleniffer’s dewy dell,
Blooming like thy bonnie sel’,
My young, my artless dearie O.
Come, my lassie, let us stray
O’er Glenkilloch’s sunny brae,
Blithely spend the gowden day
Midst joys that never wearie O.
Soarin’ o’er the Newton woods,
Lav’rocks fan the snaewhite clouds,
Siller saughs, wi’ downie buds,
Adorn the banks sae brierie O.
Round the sylvan fairy nooks,
Feath’ry breckans fringe the rocks,
Neath the brae the burnie youks,
And ilka thing is cheerie O.
Trees may bud, and birds may sing,
Flow’rs may bloom, and verdure spring,
Joy to me they canna bring,
Unless wi’ thee, my dearie O.
