Full Lyrics
Gleich wie ein schiff das auff dem Meer herrinnt
durch grossen wind
offt anderst wirdt getriben
als dem Schiffman thut lieben
er aber fleiß ankeret
biß das der Wind auffhöret
Stets wehret,
Also geschicht mir auch im Wiederkauff
ob ich nach lauff
und all ding thut beginnen
wills doch den krebsgang gwinnen
laß mich doch nit abwenden
biß Gott sein gnad thut senden
zu enden.
Ein buler ich verglei, eim spiler auch
dann sie den brauch
in dem wann sie verlieren
und schon das unglück spüren
dennoch davon nit weichen
biß sie das glück erreichen
erschleichen.
Weil ich dann auch groß widerwertigkeit
nun lange zeit
außgstanden hab und tragen
will ichs noch ferner wagen
thu solches nur darumbe
damit ich doch bekomme
die fromme.
