Full Lyrics
Gaude, virgo, quæ de cælis
Dulce per os Gabrielis
Suscepisti gaudium.
Gaude, mater incarnati
Verbi Dei ex te nati,
Creatoris omnium.
Gaude, quia vitam dedit,
Christus cum de morte redit
Surgens die tertia
Gaude, quia tuus natus
Est ad cælos exaltatus
Deus super omnia.
Gaude, virgo, Dei mater,
Quam assumpsit Deus pater
Ad cæli palatia.
Hæc cura tibi memoramus,
Fac, ut tecum maneamus
In celesti curia.
