Full Lyrics
Gaude, tu baptista Christi,
Qui de sterili existi
Gabriele nuntio.
Gaude, quod Deum sensisti,
Dum non natus exstitisti
Clausus matris gremio.
Gaude, quod tu reddidisti
Patri verbum, dum fuisti
Natus hoc exsilio.
Gaude, quod tu praedixisti
Venturum et ostendisti
Agnum sine vitio.
Gaude, quod reprehendisti
Herodem, dum suscepisti
Mortem in martyrio.
Fac nos per hoc, quod tulisti
Mortem, quam non meruisti,
Frui caeli gaudio.
