Full Lyrics
Gaude flore virginali
Honoreque speciali
Transcendens splendiferum
Angelorum principatum
Et sanctorum decoratum
Dignitate numerum.
Gaude sponsa cara Dei,
Nam ut clara lux diei
Solis datur lumine,
Sic tu facis orbem vere
Tuæ pacis resplendere
Lucis plenitudine.
Gaude splendens vas virtutum,
Cuius pendens est ad nutum
Tota cæli curia.
Te benignam et felicem
Jesu dignam genitricem
Veneratur in gloria.
Gaude nexu voluntatis
Et amplexu caritatis
Juncta sis altissimo,
Ut ad votum consequaris
Quicquid virgo postularis
A Jesu dulcissimo.
Gaude mater miserorum,
Quia pater sæculorum
Dabit te colentibus
Congruentem hic mercedem
Et felicem poli sedem
Regnis in cælestibus.
