Full Lyrics
Frölich zu sein ist mein manier
dabey da wil ich bleiben
und obs verdrüß den Teuffel schier
davon bin ich nit ztreiben
frölich alzeit in lieb und laid
fröligkeit wil ich treiben
wil frölich sein biß an das end,
dieweil ich hab das leben
wann ich an meinen bulen1 denck
nach dem ich oft thu streben
die edle dock2 im grünen rock
noch wil ich frölich bleiben.
Wer frisch wil sein der sing mit mir
und laß jm nimmer grausen
drinck guten wein und wenig bier
den most wol auß der krausen3
wer murren wil
muß auß dem spil
beleiben4 muß er daussen5
der uns das liedlien hat gemacht
der ist oft frölich worden
solchs gschach wol mitten in der nacht
wie inhelt diser orden6
damit wünsch ich ein drunckne nacht
darzu ein vollen morgen.
1 Liebste
2 (hübsch aufgeputztes) Mädchen
3 Krug
4 bleiben
5 draußen
6 wie es der Brauch ist
