Full Lyrics
Francion vint l'autre jour,
Me trouva toute seulette,
Lors il me parla d'amour
D'une façon si discrette
Que jamais d'affection
Je n'auray qu'à Francion.
Il me dit tout doucement,
Rebaise moy, ma mignonne;
Refuse tu ton amant,
De ce qu'à chacun tu donne,
Qui n'ont point l'affection
Qu'a ton gentil Francion?
Non, non, je n'en feray rien,
Disje alors toute faschée:
Si je vous faisois du bien,
Je sçay que vostre pensée
Changeroit d'affection
Et [je] perdrois mon Francion.
