Full Lyrics
Felix O ter & amplius
Quem timor Domini tenet,
quem non illius a via
flectit devius error.
Instar palmitis uberi proventu gravidi
& coma cingentis viridi domum
Te coniunx hilarabit:
Ceu plantaria fertili
Pubescunt oleæ solo,
Iucundo tibi liberi
Cingent agmine mensam.
Quem timor Domini tenet,
Inter talia commoda
Vitæ tempora transiget.
At te ex arce Sionis
ditabit Domini manus larga
& conspicies bonis Florentem Solymam,
tibi donec vita manebit
Prolis adspicies tuæ
Longa stirpe propaginem:
Festa semper & Isaci
lætos pace nepotes.
