Full Lyrics
Felix namque es sacra virgo Maria et omni laude dignissima, quia ex te ortus est sol justitiae Christus Deus noster.
Ave regina caelorum, mater regis angelorum, Dominus tecum, mater pietatis, mater caritatis, mater veritatis.
O Maria flos virginum, velut rosa vel lilium, funda preces ad Dominum pro salute fidelium.
O Maria, mater Dei, mater veritatis, mater caritatis, tuo filio nos recommenda.
Pulchra es et decora filia Hierusalem.
Gloria tibi Domine qui natus es de virgine cum Patre et Sancto Spiritu in sempiterna saecula.
