Full Lyrics
Felix anna de caverna laci transfer ad superna lucis nos vehicula
Mundi iubar luminare novum paris sine pare sole plus illuminans
Ex te duxit ortum clare maris stella per hoc mare spatiosum rutilans
Orta stirpe de regali super ortum speciali gaudes privilegio
Prole fulgens sola tali quali nulla de mortali sexu vel collegio
Cella vera tu caelestis in qua trinitastis vestis est ordita primitus
Huius rei caro testis extat christi quam in festis gestat iam caelestibus
Carnem tuam carnem christi per mariam quam tulisti recta probat linea
Qua cum deo contraxisti genus omne ac vicisti nata cum virginea
Tu terminus tristitiae scaturigo laetitiae quae prolem benedictam
De gremio das gratiae matrem solis iustitiae labe prorsus invictam
Tua grandis est potestas tibi caeli dat maiestas matronatus gloriam
Ad tranquillum quos potestas ad fluentem quos egestas urget trahe copiam
Eia mater plena bonis gratiarum dita donis in praesenti pauperes
Huius cursum post agonis triumphatum nos in thronis loca bonis uberes
