Full Lyrics
Factum est prælium magnum in cœlo,
Michael & Angeli ejus præliabantur cum Dracone,
& Draco pugnabat & Angeli ejus,
& non valuerunt, neque locus inventus est eorum amplius in cœlo:
Et projectus est Draco ille magnus, serpens antiquus,
qui vocatur Diabolus, & Sathanas,
qui seducit totum terrarum, terrarum orbem,
& projectus est in terram,
& Angeli ejus cum illo projecti sunt.
Et audivi vocem magnam dicentem in cœlo:
Nunc facta est salus & virtus:
Et Regnum Dei nostri, & potestas Christi ejus,
Quia projectus est accusator fratrum nostrorum
qui accusabat illos ante conspectum Dei nostri, die ac nocte:
& ipsi vicerunt eum propter sanguinem Agni,
& propter sermonem testimonii sui;
Et non dilexerunt animam suam usque ad mortem,
propterea lætamini cœli & qui habitatis in eis.
