Full Lyrics
First voice:
Eya dulcis adque vernans rosa,
virgo placens, puella formosa,
dei mater valde gloriosa,
spira preces voce clamorosa.
O spes nostra, multum indigemus,
plorat Roma omnis, nos rigemus;
"Tolle scisma!" ad te dirigimus,
corda laudes tibi portigimus.
Nunc lilium alti regiminis,
pressum telis multi gravaminis,
te postulat, uber subaminis,
sis lilio rosa solaminis.
Salus nostra, nunc est mali hora,
populorum fletus rigant ora;
nostris pacem periodis rora,
quod protuis semper clementiora.
Second voice:
Vale placens peroratrix,
salve decens imperatrix,
gaude potens imperatrix
virtutis et glorie.
Semper dum oras impetras,
semper cum preces perpetras
polosque deum penetras
tue vi theorie;
cum Josue facis stare.
Phebum, Dyanam restare,
Thiphon vale impetrare
sacrum cum muneribus.
Electorum est orare,
tuum deo imperare,
gloriamque pacem dare
angelis ac hominibus.
