Full Lyrics
1. Exultet coelum laudibus
resultet terra gaudiis
apostolorum gloriam
sacra canunt solemnia.
2. Vos saecli justi judices
et vera mundi lumina
votis precamur cordium
audite preces supplicum.
3. Qui caelum verbo clauditis
serasque ejus solvitis
nos a peccatis omnibus
solvite jussu, quaesumus.
4. Quorum praecepto subditor
salus et languor omnium:
sanate aegros moribus
nos reddentes virtutibus.
5. Ut cum judex advenerit
Christus in fine saeculi
nos sempiterni gaudii
faciat esse compotes.
6. Deo Patri sit gloria
ejusque soli Filio,
cum Spiritu Paracleto,
et nunc et in perpetuum.
Additional verse
Summa sit ipsi gloria,
qui dat nos evangelicis
per vos doctrinis instrui
et prosequi caelestia.
