Full Lyrics
Exultat Maria, et matrem se laeta miratur,
et de Spiritu Sancto se protulisse gaudet.
Nec quia peperit innupta terretur,
sed quia genuerit cum exultatione miratur.
O foemina super foeminas benedicta,
quae virum omnino non novit
et virum suo utero circumdedit:
circumdat virum Maria angelo fidem dando,
quia Eva perdidit virum serpenti consentiendo.
O foelix obedientia et o insignis gratia,
quae dum fidem dedit humiliter,
coeli in se opificem corporavit.
Hinc promeruit gloriam,
quam ipse postmodum auxit:
ecce, ait, ex hoc beatam me dicent omnes generationes.
