Full Lyrics
1. Exsultet orbis gaudiis,
Coelum resultet laudibus:
Apostolorum gloriam
Tellus et astra concinunt.
2. Vos saeculorum judices,
Et vera mundi lumina,
Votis precamur cordium:
Audite voces supplicum.
3. Qui templa coeli clauditis,
Serasque verbo solvitis,
Nos a reatu noxios
Solvi jubete, quaesumus.
4. Praecepta quorum protinum
Languor salusque sentiunt,
sana te mentes languidas:
Augete nos virtutibus:
5. Ut, cum redibit arbiter
In fine Christus saeculi.
Nos sempiterni gaudii
Concedat esse compotes.
6. Patri, simulque Filio,
Tibique, sancte Spiritus,
Sicut fuit, sit jugiter
Seculum per omne gloria.
;Alternative last verse
6. Jesu tibi sit gloria
qui natus es de Virgine,
Cum Patre et almo Spiritu
in sempiterna saecula.
