Full Lyrics
Exsultate Deo adiutori nostro,
iubilate deo Iacob.
Sumite psalmum et date tympanum,
psalterium iucundum cum cythara,
buccinate in neomenia tuba
in insigni die solemnitatis vestrae:
quia praeceptum in Israel est,
et iudicium Deo Iacob.
Testimonium in Ioseph posuit illud,
cum exiret de terra Aegypti:
linguam, quam non noverat, audivit.
Divertit ab oneribus dorsum eius,
manus eius in cophino servierunt.
