Full Lyrics
End hat der Streit,
der Thorheit ist genug,
es ist wol Zeit,
dasz ich würd einmal klag;
dann Liebes Spil
bederf gar vil;
musz nerrisch sein, der es anfahen will.
Durch Lieb hat sich
verderbt manch junger Mann,
darumb frag mich,
wer des bericht will han,
denn Lieb verblendt,
das bis zum End
der Mensch sein Schad noch nutzen nit erkendt.
Wers im gut meint,
gibt im gut unterricht,
dem wirdt er Feind
und denckt, man güns im nicht.
Kein treuer Rath
findt bey im stat,
den rechten Weg sicht er, wanns ist zu spät.
Drumb, junger Mann,
ein Spiegel hast an mir;
nimb dich nit an
imb Lieb, ehe dirs Gebür!
Hüt dich mit Fleisz,
Lieb hat vil meusz;
wol dem, der wird durch frembden Schaden weisz.
