Full Lyrics
Ein truncken man on abelon/
der fiert ein martrers leben/
er hat kein rhu,
noch spat, noch frü/
nach unfall thut er streben/
er saufft in sich gantz geitzigklich/
das Bier und auch den Weine,
dann wird er vol/
thumb, taub und thol,
dann wird er vol/
recht wie ein wilders schweine.
Ein grosse plag,
on widersag/
das einr sich nit kan füllen/
ein Ochssenbauch, ein Eselsschlauch/
kan man mit wasser stillen/
ein raucher Beer,
der trinckt nit mehr/
dann was jm zugehöret/
ein truncken mann,
nit ab wil lohn/
er sey dann gar bethöret.
