Full Lyrics
Ein guter wein ist lobens werd
für ander ding auff diser erd,
den ich auch nit kan meiden.
Und wölcher ist im trunck der letzt,
wann da nun ist der tisch besetzt,
der hab das heimlich leiden.
Ein grosses glaß von einer maß
vol külen wein dunckt mich schön sein,
das sol jetz gan herumben.
Wer drincken wil wie ich so vil,
wil frölich sein bei diesem Wein,
der thu offt zu mir kommen.
Mit einem drunck in einem funck1
thu ich dir nun das gar bringen.
Trincks auß, trincks auß, es wird dir glingen.
Thustu nit bschaid, es ist mir laid,
ich darff dir gar keins mehr bringen,
du solt auch nit mit singen.
1 Zug, Schluck
