Full Lyrics
Egressus Jesus de finibus Tyri et Sidonis
et venit ad mare Galilaeae inter medios fines Decapoleos,
et adducunt ei surdum impeditae linguae
et deprecabantur eum ut imponeret illi manum.
Et apprehendens eum de turba seorsum,
misit digitos suos in aures eius
et expuens tetigit linguam eius
et suspiciens in caelum ingemuit et ait illi:
Ephata, quod est: aperire, et statim apertae sunt aures eius
et solutum est vinculum linguae eius et loquebatur recte.
Et praecepit illis ne cui dicerent.
Quanto autem magis ille eis praecipiebat,
tanto magis praedicabant et supra modum stupebant dicentes:
Bene omnia fecit et surdos fecit audire, et mutos loqui.
