Full Lyrics
R.: Egidius waer bestu bleven
Mi lanct na di gheselle mijn
Du coors die doot du liets mi tleven.
Dat was gheselscap goet ende fijn
Het sceen teen moeste ghestorven sijn.
Nu bestu in den troon verheven
Claerre dan der zonnen scijn
Alle vruecht es di ghegheven.
R.
Nu bidt vor mi ic moet noch sneven
Ende in de weerelt liden pijn
Verware mijn stede di beneven.
Ic moet noch zinghen een liedekijn
Nochtan moet emmer ghestorven sijn.
R.
Dat was gheselscap goet ende fijn
Het sceen teen moeste ghestorven sijn.
