Full Lyrics
R.:
Douce dame jolie,
pour Dieu ne penses mie
que nulle ait signourie sur moy
fors vous seulement.
1. Qu'ades sans tricherie
chérie vous ay et humblement
tous les jours de ma vie
servie sans vilein pensement.
Helas! et je mendie d'espérance et d'aie;
dont ma joie est finie, si pitié
ne vous en prent.
R.
2. Mais vo douce maistrie
servie mon cuer si durement
qu'elle le contrarie
et lie en amours tellement,
qu'il n'a de riens envie
ors d'este en vo baillie;
et se ne li ottrie
vos cuers nul aligement.
R.
3. Et quant ma maladie garie
ne sera nullement
sans vous, douce enemie,
qui lie estes de mon tourment,
a jointes mains deprie vo cuer,
puis qu'il m'oublie,
que temprement m'ocie,
car trop langui longuement.
R.
