Full Lyrics
Dómine Déus, sub dicióne túa
cúncta sunt pósita,
néque úllus est qui
túae voluntáti resístere póssit:
nam hóminum córda túi óculi vídent,
ménsque túa univérsas
ipsórum cogitatiónis intéllegit.
Quis énim tíbi dícet:
quid fecísti?
Aut quis se oppónet
cóntra judícium túum?
Quóniam non est álius
Déus praéter te,
qui aéque ómnia régis,
átque cúncta júste dispónis.
Tu érgo, rérum ómnium Creátor,
sapiéntiam véram
a séde túae majestátis infúnde:
ut mécum sit
mecúmque úna cohábitet:
ut non ignórem
quid tíbi grátum sit ómni témpore.
