Full Lyrics
Dixit insipiens in corde suo:
non est Deus.
Corrupti sunt et abominabiles facti sunt
iniquitatibus non est qui faciat bonum.
Deus de caelo prospexit super filios hominum
si est intelligens aut requirens Deum.
Omnes declinaverunt simul inutiles facti sunt.
Non est qui faciat bonum, non est usque ad unum.
Nonne scient omnes qui operantur iniquitatem,
qui devorant plebem meam ut cibum panis?
Deum non invocaverunt, illic trepidaverunt timore,
ubi non erat timore.
Quoniam dissipavit ossa eorum,
qui hominibus placent confusi sunt,
quoniam Deus sprevit eos.
Quis dabit ex Sion salutare Israel
captivitatem plebis suae,
exultabit Jacob et laetabitur Israel.
