Full Lyrics
Dixerunt impii apud se non recte cogitantes:
circumveniamus justum, qui inutilis est nobis,
et contrarius operibus nostris, et improperat nobis peccata legis.
Promittit se scientiam Dei habere,
et filium Dei se nominat
et gloriatur patrem se habere Deum.
Videamus ergo si sermones illius veri sunt
et tentemus quae ventura sunt illi.
Contumelia et tormento interrogemus eum,
et probemus patientiam ejus.
Morte turpissima condemnemus eum.
Si enim est verus filius Dei, liberabit eum
de manu inimicorum suorum.
