Full Lyrics
R.: Dis tans plus qu'il ne faudroit flours
A faire un mont jusques es ciex,
Mant à vous salus et douçours,
Et veil d 'amer moi vous doint Diex.
Jeune, belle et gracieuse,
En vous ai tout mon cuer mis;
Honeur et joie amoureuse.
Aiez frans cuer, dous toudis.
Ne senz grietés, mes granz douçours,
Dès que vous remir de mes iex;
En moi croit tout ainsi amours
Loiaus, puis par vous ai biens tiex.
Dis tans plus
En fais et diz savoureuse,
Sage dame au cors faitiz,
Car soiez douce et piteuse
Vers moi qui suis voz amis.
Raisons veut que soie touz jours,
En vous servant, cois et doutiex,
Larges, courtois, si grans honours
Vient de vous pour ce, cuer gentiex.
Dis tans plus
Or proi amour que soigneuse
Vers vous, doucete au cler vis,
Soit pour moi et curieuse ,
Si que vo cuer soit espris.
Aussi com sui, et par tieux tours;
Lors serai celans et soutiex.
Vers vous plus qu'ore et nuis et jours,
Et pour ce, pour plaire vous miex .
Dis tans plus
