Full Lyrics
Die heimlich Pein,
die ich allein,
inn mir entpfind,
ist worden gschwind,
gantz offenbar.
die ich doch gar,
verborgen hielt,
nun ists verspielt.
Ob ich wol vest,
auffs aller best,
ins Hertze mein,
hab gschlossen ein.
und auch dem Mund,
gebotten rund,
zu schweigen still,
hilffts doch nit vil.
Dann frey hierinn,
wehr wie ich könn,
die Augen sich,
verräterlich,
erwisen han.
stets zeigen an,
mit feuchtigkeit,
mein Pein und Leid.
Doch können sie,
warumb und wie,
solchs als beschicht,
außsprechen nicht.
weil ihn gemelt,
das Reden felt,
din drumb damit,
dest ehe zu frid.
