Full Lyrics
Dic mihi quem portas, volucrum regina? Potentem
Austriacum fratris qui modo sceptra tenet.
Numquid eras Jovis ales? Eram. Te haud fulmina terrent
ejus? Et in dextra fulmina Caesar habet.
Quae movit superum te causa relinquere sedes
Fernandumque Jovi praeposuisse deo?
Jupiter insano flagrat Ganimedis amore,
Astraeae Caesar virginis igne calet.
Vocibus unanimes igitur modulemur ovantes:
Vivat Fernandus Caesar et orbis honos.
