Full Lyrics
Gloria in altissimis Deo,
et in terra pax
hominibus bonæ voluntatis.
Agite pastores expergiscimini
accurrite, videte, adorate.
Quae nova lux?
quis nuncius alacer?
Ecce vobis gaudium magnum,
ecce cælo labitur Deus nascitur Deus,
ecce splendor Patris,
ecce candor lucis æternæ
terras irradiat homines visitat.
O beata nox, o lucidæ tenebræ,
o dulce, o canorum noctis silentium.
Vobis edicitur Virginis partus,
verbi nativitas, vobis indicitur jubilus mentis
cordis jocunditus
aurea pax, serenitas, tranquillitas, gloria.
O felices nos, o dicite cives cælici:
ostendite verbum quod factum est,
referate misterium, revelate miraculum.
Agite ergo, agite pastores
expergiscimini accurrite, videte, adorate.
Alleluia.
