Full Lyrics
(75va) Der vnghelarte
hat ghe machet eyne senende wise
da von lide ich groze not
er ich dar nach singhe
so ghe tån eyn done.
Iz ist so harte.
daz ich yn an mineme sanghe prise.
sint ich iz bi minen tziten
nie han ghe hort
durch daz dunket iz mich scone.
Nu uolghe ich ym
durch daz her mich hat ghe bracht in diù leyde.
Durch daz ich mannen vnt den wiben
mùz mit phin vnder sceyde.
Machen eyne senende hùre.
Daz diù were scone vnt tùre.
So wolde ich sprechen
nu hat ghe ganghen miner kunsten rute
kinder alle ich saghe vch
daz hi ist diser senende claghe sùze lute.
