Full Lyrics
Dein freuntlichs gesicht mich uberwindt
von gantzen meinem hertzen
Als mein gemüet ist mir entzündt
mich lust mit dirz schertzen
gefiel es dir
als mir was freud
wolt ich nur haben
so ich wurd gewert
von dir schon werd
mein mund solt des nit sagen.
Glaub mir hertz lieb was ich dich sag
die sach solt sein verborgen.
Gib dich darein wend mir mein klag
und biß an alle sorgen
wogs frey mit mir
als ich mit dir
es wûrd dich nit ferewen
was du mir thust mein volgemut
mein hertz ist dein mit trewen.
So du schons lieb meins willens wirst
als ich dann hab vertrawen.
biß zweyffels frey das du nitirst
du thûst recht auff mich hawen
dein weiplich gût soll sein behût
vor allem leyd auff erden
das hab mein trew
an alle rew
mir soll kein liebre werden.
