Full Lyrics
4. Cum autem turba plurima convenirent, et de civitatibus properarent ad eum, dixit per similitudinem:
5. Exiit qui sementem faciebat ad seminandum semen suum. Et inter seminandum aliud cecidit circa viam, et conculcatum est, et volucres coeli comederunt illud;
6. Et aliud cecidit supra petram, et enatum exaruit, quia non habebat humorem;
7. Et aliud cecidit inter spinas, et simul enatæ spinæ suffocaverunt illud;
8. Et aliud cecidit in terram bonam ,et enatum fecit fructum centuplum. Hæc dicens clamabat : Qui habet aures audiendi, audiat.
