Full Lyrics
Prima pars
Cum rex gloriae Christus infernum debellaturus intraret, et chorus angelicus ante faciem eius portas principum tolli perciperet, sanctorum populus, qui tenebatur in morte captivus, voce lacrimabili clamaverat:
"Advenisti desiderabilis, quem exspectabamus in tenebris, ut educeres hac nocte vinculatos de claustris!
Te nostra vocabant suspiria, te larga requirebant lamenta.
Tu factus es spes desperatis, magna consolatio in tormentis."
Alleluia.
Secunda pars
Triumphat Dei Filius ab hoste superbissimo,
resurgens a morte, delens Evae culpam.
Latronem sero flebilem, conjunctum beatissimo,
perduxit ad regna quo iturus erat.
Petrum cum caeteris visitat,
omnesque flebiles consolat semper voce pia.
Alleluia.
