Full Lyrics
Jube Domine benedicere.
Amen.
Consurge, induere fortitudine tua, Syon,
induere vestimentis gloriae tuae, Hierusalem,
civitas Sancti, quia non adjiciet ultra
ut pertranseat per te incircumcisus et immundus.
Excutere de pulvere,
consurge, sede, Hierusalem!
solve vincula colli tui,
captiva filia Syon;
quia haec dicit Dominus:
Gratis venundati estis,
et sine pretio redimemini.
Quia ego ipse qui loquebar, ecce assum.
Gaudete et laudate simul,
deserta Hierusalem,
quia consolatus est Dominus populum suum,
in oculis omnium gentium.
