Full Lyrics
Confisus Domino tua pectora crede Tonanti
omnis ut illius stet tua cura fide.
Nec metus aut rabies ab eo te separet ulla
fracta licet toto corruat orbe salus.
Inde tuo si quis studio aut ope postulet uti
debita cui rerum sors alimenta negat.
Esse velis aliis talis tibi qualis es ipse
et mala vicini damna putare tua.
Tempora dum praesens mortalia finiat aevum
atque alio veniens nos levet aura polo
Maxima sic geminis dicta lex scripta tabellis
a Domino Sinai tradita in arce jugi.
