Full Lyrics
Christum ascendentem in caelum;
venite, adoremus, alleluia.
Ascendens Christus in altum, alleluia,
captivam duxit captivitatem, alleluia.
Non turbetur cor vestrum,
quia vado ad Patrem.
Et dum assumptus, fuero mittam vobis, alleluia,
Spiritum veritatis, et gaudebit cor vestrum. Alleluia.
Omnis pulchritudo Domini exaltata est super sidera;
et species eius in nubibus caeli,
et nomen eius in aeternum permanet. Alleluia.
O rex gloriae, Christe qui hodie super caelos ascendisti:
ne derelinquas nos orphanos,
sed mitte promissum Patris in nos:
Spiritum veritatis, alleluia.
