Full Lyrics
Christi nutu sublimato
Lamberto demus beato
Simphoniae modulos
Celsi qui fuit generis
Traiectensibus ab heris
Primos carpens flosculos.
A Landwaldo post instructus
Sancto flamine conductus
Ignem lini fert veste
Per hunc fons scaturizavit
Extros et non suos pavit
Sed hic fluit hiis meste.
Cathedralem post honorem
Vitae scandit ob decorem
Ast pro fide pugnavit
Quo privatur abs vitio
Admiratur religio
Prae cruce dum se stravit.
Ex hinc ipse restitutus
Sede mansit sua tutus
Pro reprobis precando.
Adultrina multum spernens
Ac salutem regis cernens
Eius proba dampnando.
Precemur Christi athletam
Ut non ducat nos ad metam
Iniquorum incursus
Sed cum sumus in peccatis
Colocando cum beatis
Dominus lavet rursus.
