Full Lyrics
Christe qui lux es et dies
Fideliumque requies,
Nos visita,
Tu furoris temperies,
Tu dulcoris planities,
Nunc excita.
Posse tuum, precipita
Depredantes, qui nos ita
Vituperant.
Sicut per te fuit vita
Patribus nostris reddita,
Qui tunc erant
Nec tueti se poterant,
Sed ad te reclamaverant,
Deus fortis,
Sic cave ne nos atterant
Qui nos in guerris lacerant
Nunc subortis,
Et adire nexu mortis,
Cujus sumus iam in portis,
Nos protegas.
Gentem serves tue sortis,
Tui fratris ac consortis
Causam regas,
Qui malos a te segregas
Nec justis opem denegas,
legislator, Proditores nunc detegas
Horumque visum contegas.
Consolator, Danielis visitator
puerorumque salvator
In fornace,
Per Abacuc confortator,
Sis pro nobis preliator
Et dimittas nos in pace.
Veni, creator spiritus,
Flentium audi gemitus,
Quos nequiter gens misera destruit;
Veni, propera.
Iam nostra virtus deficit
Nes es humanum sufficit
Ad narrandum obprobria,
Que nobis dant vecordia,
Divisio cuiditas
Fideliumque raritas,
Unde flentes ignoramus,
Quid agrere debeamus,
Circumdant nos inimici,
Sed et nostri domestici
Conversi sunt in predones:
Leopardi et leones,
Lupi, milvi et aquile
Rapiunt omne reptile.
Consumunt nos carbunculi.
Ad te nostri sunt oculi:
Perde gentem hanc rapacem,
Jhesu, redemptor seculi,
Et da nobis tuam pacem.
