Full Lyrics
Christe Patris verbum lapsi spes unica mundi,
Vulnera purgato sanguine nostra tuo.
Adsis propitio mihi numine vimque repellas
Ne noceant animae tristia damna meae.
Et mihi celsa tuae pateant fastigia sedis,
Mortua cum vivus liquerit ossa calor.
Christe Patris verbum lapsi spes unica mundi,
Vulnera purgato sanguine nostra tuo.
Tu poteris nostri maculas abstergere cordis
Et nive candidius hiemali reddere pectus
Effice ne rabidi mens obruta daemonis astu,
Decidat in stygias pariter cum corpore flammas,
Sed tua me bonitas patrio complexa favore,
In superas sedes assumat dulcis Olympi.
Christe Patris verbum lapsi spes unica mundi,
Vulnera purgato sanguine nostra tuo.
