Full Lyrics
1. Cando a luíña aparece
i o sol nos mares se esconde
todo é silencio nos campos
todo na ribeira dorme.
2. Quedan as veigas sin xente
sin ovelliñas os montes
as fontes sin rosas vivas
os árbores sin cantores.
3. Medroso o vento que pasa
os pinos xigantes move
i á voz que levanta triste
outra mais triste responde.
4. Son as campanas que tocan
que tocan en sons de morte
i ó corazón din: N'olvides
ós que para sempre dormen.
Solo:
Qué triste, qué hora tan triste
aquela en que o sol se esconde
en que as estreliñas pálidas
timidamente relosen.
Aló as montañas confusas
d'espesas nebras se croben
i a casa branca en que el vive
en sombra espesa se envolve.
Qué triste, etc…
En van miro e mais miro
que os velos da media noite
entre ela e os meus olliños
traidoramente se poñen.
