Full Lyrics
Bone Jesu Verbum Patris
qui de coelis descendisti
qui me servum redimisti
solvens vincula peccati
Accipe me.
Conforta quæso me bone Jesu
et consolare animam meam,
et cum sim miser, turbatus, afflictus,
Tu adjuva, rege, defende me,
Bone Jesu Salus Mundi,
qui tormenta sustinere
ut me faceres gaudere
in æternum voluisti
Visita me,
Confirma quæso me, bone Jesu
et lætam redde animam meam;
et cum sim coecus, immundus, infirmus,
illumina, munda et sana me,
bone Jesu Rector potens
qui infernum conturbasti
Coeli fores reserasti
morte nobis vitam donans
Protege me
et in æternum Nomini tuo
cantabo laudem et benedicam
et dicam semper, Tu vita, Tu lumen,
Tu salus, Tu decus ô bone Jesu.
