Full Lyrics
Ave, gloriosa virginum regina,
vitis generosa, vite medicina,
clementie resina.
Ave, copiosa gratie piscina,
carnis maculosa munda
munda nos sentina,
munditie cortina.
Claritate radiosa stella matutina,
brevitate legis glossa,
per te lex divina
irradiat doctrina.
Venustate vernans rosa,
sine culpe spina,
caritate viscerosa,
aurem huc inclina,
nos serves a ruina.
Cedrus puditie,
cypressus puritatis,
mirra penitentie,
oliva pietatis,
tu myrtus lenitatis.
Vitis habundantie,
tu palmes honestatis,
palma patientie,
tu nardus caritatis,
fons ortus voluptatis.
Stilla roris,
odor floris verne novitatis,
fons dulcoris, vas decoris,
templum trinitatis
compages unitatis.
Stelle decor, placans equor,
portum salutaris,
ducem sequor, dulcem precor,
parens expers paris,
Maria stella maris.
