Full Lyrics
Auff gut gelück wag ichs da hin
und setz mein syn
zu dir hertz aller liebste frau
Von frembder schuld bin ich holde
das wissen solt mein hoffnung ich
gantz auff dich baw
du werdest mir
meins hertzen gir
zu seiner zeit gantz bussen
wol wo das geschicht
mein zuversicht
so wird mein hertz gantz freyden vol.
Auff gut glûck wag ichs dahin/
und hab kein gewin/
so ich von dir nicht wirdt gewert./.
Geit du nicht weyst recht wer ich bin/
noch bleibt mein syn/
bey dir fûr all auff diser erdt/
du last mich sein/
den diener dein/
als dann wirstu erkennen mich/
wie ich mich halt
in deinen gewalt/
zu aller zeit gantz willigklich.
Auff gut gelûck wag ichs dahin/
wann ich der bin /
und hoff mir werd dein gnad erzeygt./.
dein lieb tregt mir den höchsten gwin/
dein steter syn/
freud mich alzeyt auff meynen endt/
darumb zart fraw/
fich an unnd schaw/
laß mich dir auch befohlhen sein/
mein hertz sagt mir
als guts zu dir/
laß mich versthen den willen dein.
