Full Lyrics
Armorum fortissime ductor Sebastiane
quis te dignis laudibus efferat?
Cum sola fide armatus pulcherrimum
et Romano principe triumphum egeris.
Nam Diocletiani potentiam et minas aspernatus
fractos tormentorum acerbitate martyrum animos confirmabas,
Et Jovis Apollinisque simulacra dejiciens
dæmones non deos esse palam docebas.
Te igitur, Martyr egregie, supplices oramus
ut qui mortalem hanc vitam degens,
morbos animorum curabas
in cœlo nunc regnans
mentes nostras et corpora tuearis.
