Full Lyrics
Prima pars
Angelus sanctae Gabriel Mariae,
luce cadentes humeros amictus,
nunciat partum;
trepida rubescunt
ora puellae.
Secunda pars
Quid times virgo?
Deus ipse tecum,
sponsa tu Regis;
fluet aura sancti spiritus in te
facietque pulchra prole parentem.
Tertia pars
Ecce me regis famulam superni;
nil moror; quicquid iubet ille fiat;
mox gravecentis sacra vis per alvi
funditur artus.
Quarta pars
Iam novo tellus iuvenescit aevo,
iam fides et pax superum;
favorque pricus abiectos miserae
nepotes respicit Evae.
Quinta pars
Gaudium cunctis hodie Maria
angelis fecit; reseravit uno verbulo coelum;
stetit acta nostrae causa salutis.
Sesta & ultima pars
Sint tibi laudes quia credidisti
Mater aeternae benedictionis;
te salutamus veniente sole
teque cadente.
